”ჯეოსპორტს მედია ჯგუფი” უკვე ორი წელია მუშაობს სხვადასხვა პროექტების იდეებზე, რომელიც ქართული სპორტის განვითარებას ემსახურება. კომპანიის მთავარი მიზანია, სწორედ ქართული სპორტის, ქართველი სპორტსმენებისა და ქართული სპორტის სახეობების წარმომადგენლებზე, ფაქტებსა და მოვლენებზე საზოგადოების ნებისმიერი ფენისთვის ხელმისაწვდომობა და პოპულარიზაცია სხვადასხვა მედია (ინტერნეტი, რადიო, ტელევიზია, პოლიგრაფია და სხვა) საშუალებებით.
  ინტერნეტ საიტი Geosports.ge აღნიშნული კომპანიის ერთ-ერთი პროექტია, რომლის მიზანიც ინტერნეტში საიტის - Geosports.ge - ქართული სპორტის ერთგვარ ენციკლოპედიად ქცევაა. საიტის საშუალებით, მომხმარებლისთვის ხელმისაწვდომი გახდება ოპერატიული ინფორმაცია ქართულ სპორტში მიმდინარე პროცესებზე. Geosports.ge მკითხველს ყოველკვირეულ, განახლებად, სპორტულ ინტერნეტ ჟურნალსაც სთავაზობს. ჟურნალის რუბრიკები, წერილები და რეცენზიები სპორტის ყველა პრეტენზიულ გულშემატკივარს დააკმაყოფილებს.
  ”ჯეოსპორტს მედია ჯგუფი” უახლოეს მომავალში გეგმავს განახორციელოს სპორტული პროექტები სატელევიზიო და რადიო სივრცეში. შემდეგ ეტაპზე დაგეგმილია ყოველთვიური ჟურნალის გამოცემაც.
 ”ჯეოსპორტს მედია ჯგუფი” , სხვა საინფორმაციო-სპორტული საშუალებებისგან განსხვავებით, მხოლოდ ქართულ სპორტზეა ორიენტირებული.
Geosports.ge ”ჯეოსპორტს მედია ჯგუფის” პირველი და არა ერთჯერადი პროექტია. ის ყოველდღიურად განახლდება და დაიხვეწება. მის ავტორებს სჯერათ, რომ გარკვეული პერიოდის შემდეგ, პარტნიორებისა და ქომაგთა თანადგომის შედეგად, პროექტი დასრულებულ სახეს მიიღებს.


  შენც შეიტანე შენი წვლილი ქართული სპორტის პოპულარიზაციაში!!!