რითი ირჩენდნენ თავს ვარსკვლავები, როდესაც მათ არავინ იცნობდა

PDF ბეჭდვა ელ. ფოსტა
ჩვენი თამაში
GeosportS.ge   
შაბათი, 22 ოქტომბერი 2016 12:11

fergiრითი ირჩენდნენ თავს ვარსკვლავები, როდესაც მათ არავინ იცნობდა

იყო დრო ფეხბურთის ვარსკვლავები ხუროდ და მეეზოვედ მუშაობდნენ, ალაგებდნენ და მძიმე შრომას ეწეოდნენ, შემდეგ კი ცნობილები და მდიდრები გახდნენ.

მორენო ტორიჩელი

ვინ გახდა: ”იუვენტუსისა” და იტალიის ნაკრები მცველი, ჩემპიონთა ლიგის, უეფას თასის, საკონტინენტთაშორისო თასის, ევროპის სუპერთასის და იტალიის სამგზის გამარჯვებული.

ვინ იყო: ქარხანაში ხუროდ მუშაობდა და სამოყვარულო გუნდ ”კარატეზეში” თამაშობდა.

ჯეიმი ვარდი

ვინ გახდა: ინგლისის ჩემპიონი, პრემიერლიგის საუკეთესო ფეხბურთელი და საგოლე სერიის ხანგრძლივობის რეკორდსმენი.

ვინ იყო: ნახშირბადის ბოჭკოს ქარხანაში მუშაობდა. კვირაში 70 ფუნტს შოულობდა.

გრაფიტე

ვინ გახდა: ბუნდესლიგის (2008/09) ჩემპიონი, საუკეთესო ფეხბურთელი და ბომბარდირი.

ვინ იყო: მშობლიურ კამპუ-ლიმპუში სახლებში დადიოდა და სანაგვე პაკეტებს ყიდდა.

დადო პრშო

ვინ გახდა: საფრანგეთისა და შოტლანდიის ჩემპიონი, ჩემპიონთა ლიგის ფინალისტი (2003/04).

ვინ იყო: ავტომექანიკოსი – როდესაც ვერ იპოვა კლუბი საფრანგეთში, სადაც იუგოსლავიის ომის შემდეგ წავიდა.

კარლოს ბაკა

ვინ გახდა: ევროპის ლიგის ორგზის გამარჯვებული, ”მილანის” შეტევების ლიდერი.

ვინ იყო: 20 წლის ასაკში ავტობუსის მძღოლი იყო. მხოლოდ ერთი წლის შემდეგ შეაღწია პროფესიონალურ დონეზე – ”ატლეტიკო ხუნიორსი”.

ნევილ საუთჰოლი

ვინ გახდა: ინგლისის ორგზის ჩემპიონი ”ევერტონის” შემადგენლობაში, თასების თასის მფლობელი, ინგლისის თასის ორგზის და სუპერთასის ოთხგზის გამარჯვებული, უელსის ნაკრების მეკარე.

ვინ იყო: ”ბოლტონში” წარუმატებელი სინჯების შემდეგ – ოფიციანტი, გაქონდა ნაგავი და დაათრევდა აგურებს. პროფესიონალი ფეხბურთელი 23 წლის ასაკში გახდა.

პიტერ შმეიხელი

ვინ გახდა: ევროპის ჩემპიონი (დანია-92), ევროპის ოთხგზის საუკეთესო მეკარე, ინგლისის ხუთგზის ჩემპიონი და ჩემპიონთა ლიგის გამარჯვებული (მანჩესტერი-99), 11 გოლის ავტორი.

ვინ იყო: ტექსტილის ფაბრიკაში მღებავად მუშაობდა, ხანდაზმულთა სახლში ალაგებდა, აყენებდა კარის საკეტებს და მუშაობდა სარეკლამო ფირმაში.

ლუის სუარესი

ვინ გახდა: ურუგვაის ნაკრების ისტორიის საუკეთესო ბომბარდირი, ჰოლანდიის და ესპანეთის ჩემპიონი, ჩემპიონთა ლიგის გამარჯვებული, პრემიერლიგის საუკეთესო ფეხბურთელი (2013/14), ”ოქროს ბუცის” ორგზის მომგები.

ვინ იყო: დედას შვიდი შვილის გამოსაკვებად რომ დახმარებოდა, მეეზოვედ მუშაობდა.

ანხელ დი მარია

ვინ გახდა: ოლიმპიური ჩემპიონი, პორტუგალიის, ესპანეთის და საფრანგეთის ჩემპიონი, ჩემპიონთა ლიგის გამარჯვებული (რეალი- 2013/14), ესპანეთისა და საფრანგეთის ჩემპიონატების საუკეთესო ასისტენტი.

ვინ იყო: მშობლებს ეხმარებოდა ქვანახშირის საწყობში.

რობერტო კარლოსი

ვინ გახდა: მსოფლიო ჩემპიონი-2002, ორჯერ – ბრაზილიის ჩემპიონი, ოთხჯერ – ესპანეთის ჩემპიონი, სამჯერ მოიგო ჩემპიონთა ლიგა ”რეალთან” ერთად.

ვინ იყო: 12-დან 14 წლამდე საფეიქრო ფაბრიკაში მუშაობდა.

ალექსის სანჩესი

ვინ გახდა: კოპა ამერიკის საუკეთესო მოთამაშე (2016), იტალიის, ჩილეს, არგენტინისა და ესპანეთის ჩემპიონი, ინგლისის ლიგის თასის მფლობელი.

ვინ იყო: ”კარგად ვაკეთებდი სალტოს და ხალხი მეუბნებოდა: გააკეთე სალტო და პესოს მოგცემთ. კიდევ მანქანების რეცხვა მიწევდა”.

კრის უოდლი

ვინ გახდა: საფრანგეთის სამგზის ჩემპიონი ”მარსელის” შემადგენლობაში, 1990 წლის მუნდიალის ნახევარფინალისტი, ინგლისის საუკეთესო ფეხბურთელი (1992/93).

ვინ იყო: მუშაობდა ძეხვის საწარმოში, სანამ 20 წლის ასაკში ”ნიუკასლთან” კონტრაქტი არ გააფორმა.

ალექს ფერგიუსონი

ვინ გახდა: ფეხბურთის ისტორიის უდიდესი მწვრთნელი.

ვინ იყო: კულინარობას სწავლობდა და წელიწადნახევარი გლაზგოში რესტორანში მუშაობდა, ასევე გემთსაშენზე მეხელსაწყოეს თანაშემწედ.

fortuna.ge

 

თებერვალი 2017 მარტი 2017 აპრილი 2017
კვ ორ სა ოთ ხუ პა შა
1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 31
There are no upcoming events currently scheduled.
სრულად...

superleague

LIVESCORE.in

ჩვენ გვყავს 149 სტუმარი და 1 წევრი ონლაინში