საქართველომ აშშ დაამარცხა

PDF ბეჭდვა ელ. ფოსტა
საქართველო
GeosportS.ge   
შაბათი, 25 ნოემბერი 2017 21:05

12-1511626361-1024x598“მიხეილ მესხზე” საქართველოს ნაკრები ნოემბრის მესამე ტესტ-მატჩში აშშ–ს ნაკრებს უმასპინძლა და ერთი ქულის სხვაობით 21:20 დაამარცხა.

მატჩის პირველი წუთები მასპინძლების უპირატესობით მიმდინარეობდა, გუნდის პირველივე შეტევაზე ხაზი გიორგი კვესელაძემ გაჭრა, თუმცა შემდეგ ფაზაზე მორკინალებმა პასი ვერ შეინარჩუნეს და შეხვედრის პირველი შერკინება დაინიშნა.

ამის შემდეგ «არწივები» დომინირებდნენ, ჯერ ხაზზე გაათამაშეს სწრაფად ბურთი, შემდეგ კი მოპოვებული ჯარიმა კიდეზე გადაიტანეს და დერეფნიდან აგორებულ მოლს შეხვედრის პირველი ლელო მოჰყვა (ტაუტეპეჰე 6’).

«ბორჯღალოსნებმა» ხაზი მეორედაც გაჭრეს, თუმცა გელა აფრასიძეს ფეხი აუსრიალდა და შეტევა ქართველთა შერკინებით დასრულდა. მასპინძლები აქტიურად უტევდნენ და მე-15 წუთზე მოპოვებული ჯარიმა კიდეზე გადაიტანეს. აგორებული მოლი «არწივებმა» ჯარიმის ხარჯზე შეაჩერეს, რასაც ქართველთა შერკინება და საჯარიმო ლელო მოჰყვა (17’) – 7:5.

23-ე წუთზე ვიქტორ კოლელიშვილი უხეშობის გამო ყვითელი ბარათით დაისაჯა, რასაც ამერიკელთა მორიგი დერეფანი, მოლი და ლელო მოჰყვა. მაკგინთიმ ამჯერად გარდასახვა უშედცდომოდ შეასრულა – 7:12.

მეორე გაშვებული ლელოს შემდეგ კვლავ მასპინძლები გააქტიურდნენ. კაცნაკლულმა «ბორჯღალოსნებმა» მრავალ ფაზიანი შეტევისას მეტოქის ხაზი არაერთხელ გაჭრეს და 28-ე წუთზე ლელო ლევან ჩილაჩავამ დაამიწა. სოსო მათიაშვილმა გარდასახვა ზუსტად შეასრულა – 14:12.

ქართველები დისციპლინაში ბევრს სცოდავნენ. 31-ე წუთზე მსაჯმა ჩილაჩავას მხრიდან უხეშობა დააფიქსირა, რასაც მორიგი ყვითელი ბარათი მოჰყვა. მასპინძლები მოედანზე 13 კაცით დარჩნენ.

„არწივებმა» ბურთი კვლავ დერეფანში გადაიტანეს და მოლის ჩამოყალიბება სცადეს, თუმცა «ბორჯღალოსნებმა» მათ უკან დაახევინეს და მეტოქე დააჯარიმეს.

პირველი ტაიმის მიწურულს მასპინძლების მესამე ლელო ჯაბა ბრეგვაძემ კვლავ მოლის შემდეგ დადო. მათიაშვილმა გარდასახვა კვლავ უშედცომოდ შეასრულა – 21:12.

აღსანიშნავია, რომ გიორგი ჩხაიძემ ნაკრებში მე–100 კეპი მოიხვეჭა.

მეორე ტაიმის პირველი ათი წუთი თანაბარი თამაში მიმდინარეობდა და გუნდებმა ქულების მოპოვება ვერ მოახერხეს. «ბორჯღალოსნებმა» მეტოქის ხუთმეტრიან ზონაში შერკინება მოიპოვეს და კარგადაც მიაწვნენ, თუმცა ბურთი დაკარგეს და რაქში დაჯარიმდნენ.

ამის შემდეგ ამერიკელებმა პოზიციური ორთაბრძოლა მოიგეს და თამაში მასპინძლების ნახევარზე მიმდინარეობდა. 58-ე წუთზე მეორე ტაიმის პირველი ქულები მაკგინთიმ საჯარიმო დარტყმით მოიპოვა – 21-15.

ქართველთა მომდევნო იერიშზე უკვე სტუმრები დაჯარიმდნენ, თუმცა სოსო მათიაშვილმა 45 მეტრიდან საჯარიმო დარტყმა ვერ გაიტანა.

მასპინძლები მეტოქის ნახევარზე დაბანაკდნენ და ხაზსაც ხშირად ჭრიდნენ, თუმცა ლელოს დადება ვერ მოახერხეს.

65-ე წუთზე მოანგალოა შერკინებაში დაჯარიმდა და ყვითელი ბარათით დაისაჯა.

73-ე წუთზე «ბორჯღალოსნებმა» კაცნაკლული მეტოქის დაცვის ხაზი კიდევ ერთხელ გაჭრეს, თუმცა სტუმრებმა შეტევის მოგერიება მაინც მოახერხეს.

შეხვედრის მეორე ტაიმის პირველი ლელოც სტუმრების ანგარიშზეა. მრავალფაზიანი შეტევა კიდესთან ახლოს ბრაის კემფბელმა დაასრულა. გარდასახვა არაზუსტი იყო – 21:20 საბოლოო ანგარიში.

1tv.ge

 

ჟურნალი

ადამიანი, რომელიც ფეხბურთს მართავს

დაწვრილებით...
 

ფენომენი

დაწვრილებით...
 

მამის საამაყო შვილი ... დავიდ ლუიზი

დაწვრილებით...
 

როგორ დავიკლოთ წონაში?

დაწვრილებით...
 

რივალდო - დამზადებულია ბრაზილიაში

დაწვრილებით...
 

ვიცხოვროთ ჯანსაღად! - მუცლის პრესი

დაწვრილებით...
 

რას კითხულობენ პრემიერლიგის ვარსკვლავები

დაწვრილებით...
 

უელსელი მარადონა - აარონ რამზი

დაწვრილებით...
 

მსაჯია-ადამიანი

დაწვრილებით...
 

საფეხბურთო ზოდიაქო

დაწვრილებით...

დეკემბერი 2017 იანვარი 2018 თებერვალი 2018
კვ ორ სა ოთ ხუ პა შა
1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 31
There are no upcoming events currently scheduled.
სრულად...

gbf

LIVESCORE.in

ჩვენ გვყავს 465 სტუმარი ონლაინში