6-7 მარტს, უნგრეთის ქალაქ სომბატჰეიში ჩატარებულ ოქროს გრან-პრიზე საქართველოს ბერძნულ-რომაული სტილით მოჭიდავეთა ნაკრები შესუსტებული და არასრული შემადგენლობით გამოვიდა და 2 მედალი მოიპოვა. 74 კილოგრამ წონით კატეგორიაში მოჭიდავე შმაგი გულიაშვილმა ქართული გუნდიდან ყველაზე შედეგიანად იჭიდავა - 5 შეხვედრიდან 4-ში იმარჯვა და ვერცხლს დაეუფლა.

აკაკი ჯოხაძე (84 კგ) ბრინჯაოს მედალს დაეუფლა. ოქრო ვერცხლის შანსი მან პირველსავე წრეში დაკარგა, მაგრამ რეპეშაჟში 3 მეტოქე ჩამოიცილა. ამავე წონაში, ვლადიმერ გეგეშიძეს კვარცხლბეკამდე ერთი გამარჯვება დააკლდა. ძირითად ბადეში იგი ნახევარფინალამდე მივიდა და პირდაპირ რეპეშაჟის ფინალზე გადაერთო, მაგრამ ბრინჯაოს ბრძოლაში გამარცხდა.

ანტონმამაგეიშვილი (66 კგ) ოქროს გრან-პრის მეოთხედფინალიდან გამოეთიშა. მარად აბულაძე (66 კგ) და დიმიტრი ჯავახიშვილი (120 კგ) კი პირველსავე წრეში დამარცხდნენ. 55, 60 და 96 კილოგრამებში საქართველოს ნაკრებს მონაწილე არ ჰყავდა.

ბერძნულ-რომაული ჭიდაობა

ოქროს გრანპრი. სომბათჰეი. 6-7 მარტი

55 კგ

1 იუნ-ბაიკ ლი (სამხრეთ კორეა) 2 როვშან ბაირამოვი (აზერბაიჯანი) 3 კოჰეი ჰაშეგავა (იაპონია) 3 კუმარ რაჯინდერი (ინდოეთი)

60 კგ

1 ჰასან ალიევი (აზერბაიჯანი) 2 ალმატ კებიშმაიევი (ყაზახეთი) 3 შტიგ ანდრე ბერგე (ნორვეგია) 3 ასლან აბდულინი (რუსეთი)

66 კგ

1 ცუტომუ ფუიმურა (იაპონია) 2 მიხაილ სიამიონაუ (ბელარუსი) 3 სერგეი კრასილნიკოვი (უკრაინა) 3 ამბაკო ვაჩაძე (რუსეთი)

74 კგ

1 ემილ სარაფედინოვი (რუსეთი) 2 შმაგი გულიაშვილი (საქართველო) 3 ალექსანდრ კიკინიოვი (ბელარუსი) 3 ალექსეი ივანოვი (რუსეთი)

84 კგ

1 ალექსეი მიშინი (რუსეთი) 2 ნუმონუ მელონინი (საფრანგეთი) 3 აკაკი ჯოხაძე (საქართველო) 3 ნენად ძუგაჟი (ხორვატია)

96 კგ

1 ბალაშ კიში (უნგრეთი) 2 დიმიტრი ტიმოშენკო (უკრაინა) 3 გიორჟი რიჟმაიერი (უნგრეთი) 3 ანდრეშ დებერნი (პოლონეთი)

120 კგ

1 რიზა კაიაალპი (თურქეთი) 2 რაგომირ პეტკოვიჩი (სერბეთი) 3 მიჰალი დეკ-ბარდოში (უნგრეთი) 3 სოხრუდი აივბოვი (რუსეთი)

ფოტოზე - შმაგი გულიაშვილი (მარცხნივ, 74 კგ) კვარცხლბეკზე