6-14 მარტს ნორვეგიის ქალაქი მერაკერი პნევმატური პისტოლეტიდან ტყვიის სროლაში ევროპის ჩემპიონატს მასპინძლობს. პირად-გუნდურ ჩემპიონატზე ევროპის უძლიერესი ტყვიის მსროლელები მიიღებენ მონაწილეობას, საქართველოდან კი მერაკერში 2 სპორტსმენი გაისვრის - ოლიმპიური ჩემპიონი და პრიზიორი და მსოფლიოს და ევროპის არაერთგზის გამარჯვებული - ნინო სალუქვაძე და ლევან ქადაგიძე.

ნინო სალუქვაძე ევროპის ჩემპიონატებზე 1982 წლიდან მონაწილეობს და აქედან პირად-გუნდური მაჩვენებლებში 12  გამარჯვება აქვს მოპოვებული. (ბოლო 2 წელია მე-2 ადგილზე ასრულებს) საქართველოს ერთ-ერთი ყველაზე ტიტულოვანი სპორტსმენი მერაკერში 12 მარტს გაისვრის, 13-ში გავა სტარტზე ლევან ქადაგიძე, ხოლო 14-ში გუნდი თბილისში დაბრუნდება.

ნორვეგიაში გამგზავრებამდე, სალუქვაძემ და ქადაგიძემ 10 დღიანი შეკრება ერევნის ტყვიის სროლის ბაზაზე  გაიარეს. 5 მარტს კი ძალები საქართველოს ჩემპიონატში მოსინჯეს და წარმატებულადაც. საქართველოს ჩემპიონატი ნინო სალუქვაძის ტირში ჩატარდა.

აღსანიშნავია, რომ სალუქვაძემ საქართველოს ჩემპიონატი მე-20-ედ მოიგო და საქართველოს აბსოლუტური ჩემპიონის პრიზით სპორტის დეპარტამენტის თავმჯდომარის მოადგილეების - გია გალდავასა და ირაკლი სამყურაშვილისგან დაჯილდოვდა.

საქართველოს ჩემპიონატი პნევმატური პისტოლეტიდან სროლაში. 5-6 მარტი

კაცები

1.

ლევან ქადაგიძე

572 ქულა

2.

გიორგი ბურჭულაძე

560

3.

გია სვანიძე

552

ბიჭები

1.

შოთა გირგვლიანი

554

2.

გიორგი ბერიშვილი

552

3.

გიორგი წაწალაშვილი

550

ქალები

1.

ნინო სალუქვაძე

383

2.

ნინო უჩაძე

374

3.

თამილა ასათიანი

370