ხორვატიის ქალაქი რიეკა მოჭადრაკეთა ინდივიდუალურ ევროპის ჩემპიონატს მასპინძლობს. 5 მარტს დაწყებული ევროპირველობა 19 მარტამდე გასტანს. რიეკაში სულ 25 ქართველი მოჭადრაკე გამოდის, როგორც ვაჟები ასევე გოგონები.

ვაჟთა გათამაშებას 4 ტურის შემდეგ ბაადურ ჯობავა ლიდერობს, რომელმაც მეოთხე ტურში შავი ფიგურებით პოლონელ მიხაელ კრასენკოვს მოუგო და 4 ქულა დააგროვა. ქართველის მზგავსად უდანაკარგოდ თამაშობს უკრაინელი ზაჰარ ეფიმენკოც, თუმცა მას ჯობავა დამატებითი მაჩვენებლებით ჯობნის.

მეხუთე ტურში ბაადურის მეტოქე სწორედ ეფიმენკო იქნება. ჯობავსგან განსხვავებით ვერ ყოჩაღობენ სხვა ქართველი ვაჟები. 4 ტურის შემდეგ ათეულში შესცლა ვერც ერთმა მათგანმა ვერ მოახერხა. ათეულში ჯერჯერობით არც ქართველი გოგონები არიან. ოთხი ტურის შემდეგ საუკეთესო მაჩვენებელი ლელა ჯავახიშვილს აქვს 3 ქულით, რომელიც მე-17 პოზიციას იკავებს.

ასევე, 3 ქულა აქვთ ნანა ძაგნიძეს, ნინო ხურციძეს და სოფო გვეტაძეს. ძაგნიძე 18-ე ადგილზეა, ხურციძე 19-ე, ხოლო გვეტაძე 21-ზე.